સાઉથ સુપરસ્ટાર યશની ફિલ્મ KGF ચેપ્ટર 2 બોક્સ ઓફિસ પર છવાઇ છે...
મુંબઇ
સાઉથ સુપરસ્ટાર યશની ફિલ્મ KGF ચેપ્ટર 2 બોક્સ ઓફિસ પર છવાઇ છે. ફિલ્મે પહેલા દિવસે જ 53.95 કરોડની કમાણી કરી હતી. આ ફિલ્મે હિન્દી ભાષામાં માત્ર બે દિવસમાં 100 કરોડનો બિઝનેસ કરીને ઈતિહાસ રચ્યો છે. ફિલ્મે બીજા દિવસે હિન્દીમાં 46.79 કરોડ અને ત્રીજા દિવસે શનિવારે 42.90 કરોડની કમાણી કરી હતી. ફિલ્મે રવિવારે ફરી એકવાર 50 કરોડથી વધુની કમાણી કરી છે. KGF ચેપ્ટર 2 હિન્દી બોક્સ ઓફિસ પર બે દિવસ 50 કરોડથી વધુનો નેટ બિઝનેસ કરનાર એકમાત્ર ફિલ્મ બની છે. ફિલ્મ KGF ચેપ્ટર 2એ પહેલા વીકએન્ડમાં જ વર્લ્ડ વાઈડ 500 કરોડનો બિઝનેસ કર્યો હતો. એવી અપેક્ષા છે કે આ ફિલ્મ આગામી સપ્તાહના અંત સુધીમાં વિશ્વભરમાં 1000 રૂપિયાનું કલેક્શન પણ કરી લેશે. ટ્રેડ એનાલિસ્ટ મનોબાલા વિજયબાલને ફિલ્મની કમાણીના આંકડા શેર કર્યા છે. મનોબાલાના ટ્વિટ અનુસાર, KGFએ 4 દિવસમાં લગભગ 552 કરોડની કમાણી કરી છે. ફિલ્મે પહેલા દિવસે 165.37 કરોડ, બીજા દિવસે 139.25 કરોડ, ત્રીજા દિવસે 115.08 કરોડની કમાણી કરી હતી. જ્યારે વિશ્વભરમાં ફિલ્મે ચોથા દિવસે એટલે કે રવિવારે 132.13 કરોડ રૂપિયાની કમાણી કરી હતી. આ રીતે ફિલ્મે 4 દિવસમાં 551.83 કરોડ રૂપિયાની કમાણી કરી લીધી છે.