આણંદ
- પાંચ વર્ષ પહેલા ૧૦૦ ફુટ રોડ ઉપર આવેલા દીયા સિનેમા ફુટપાથ અને આણંદ રેલવે ગોદી સામે ફુટપાથ ઉપર સુઇ રહેલી બે બાળાઓને બસ સ્ટેન્ડ સામે રહેતો એક યુવાન ઉઠાવી ગયો હતો અને બંને સાથે તેણે દુષ્કર્મ કર્યુ હતું. આ કેસ મંદળવારે ચાલી જતાં અદાલતે આરોપીને કસુરવાર ઠેરવી આજીવન કેદની સજા ફરમાવી છે. આણંદ શહેરના જૂના બસ સ્ટેન્ડની સામે આવેલ ધગટ ફળીયામાં સાહીદ યુસુફભાઇ અહેમદભાઇ છીપા નામનો યુવાન પોતાના પરિવાર સાથે રહે છે. ૨૦૧૭ના વર્ષમા તેણે શહેરના ૧૦૦ ફુટ રોડ પર આવેલી દીયા સિનેમા સામે ડિવાઇડર ઉપર સુઇ રહેલ મજૂર પરિવારની એક બાળાને પોતાના વાહન ઉપર ઉઠાવી હતી. અને તેને સામરખા ચોકડી પાસે લઇ જઇ તેની સાથે છેડછાડ કરી તેને છોડી દીધી હતી. પોલીસે માતાની ફરીયાદને આઘારે ગુનો દાખલ કર્યો પરંતુ આરોપી પકડાયો ન હતો. તા.૨૨ મે ૨૦૧૮ના રોજ આણંદ રેલવે ગોદી સામે ફુટપાથ પર સુઇ રહેલી એક મહિલા પાસેથી લાલચ આપી શાહીદ યુસુફભાઇ છીપા તેને પોતાના બાઇક ઉપર ઉઠાવી ગયો હતો. તે તેને ગામડી રેલવે ફાટકથી બ્રિજને મળતા રોડ પર લઇ ગયો હતો.છ વર્ષની બાળા સાથે સાહિદે દુષ્કૃત્ય આચર્યુ હતું. ત્યારબાદ તેને ગામડી ત્રિકમ નગર ફાટક પાસે છોડીને પલાયન થઇ ગયો હતો. થોડા મહીનામાં જ શહેરમાં બે બાળાઓનું અપહરણ કરી દુષ્કૃત્ય થયુ હોય પોલીસ પરેશાન થઇ ગઇ હતી.તેમણે શહેરભરના સીસીટીવી જાેયા,બાળાની માતાની પુછતાછ કરી શકમંદ તરીકે શાહીદ ઉભરી આવ્યો.પોલીસે બાળાને મામલતદર સમક્ષ લઇ જઇ આરોપીને ઓળખી બતાવતા તેની ધરપકડ કરી હતી. આ કેસ આણંદના સ્પે.પોસ્કો જજ અને એડી.સેશન જજ જી.એચ. દેસાઇની કોર્ટમાં ચાલવા પર આવ્યો હતો. બંને પક્ષોની દલીલો પુર્ણ થયા બાદ સ્પે.પોસ્કો જજ જી.એચ.દેસાઇએ શાહીદ યુસુફભાઇ છીપાને ઇપીકો કલમ ૩૬૩ના ગુનામાં ચાર વર્ષની સખ્ત કેદ અને રુ. ૫ હજારનો દંડ જાે દંડ ન ભરે તો વધુ ત્રણ માસની સાદી કેદ.પોસ્કો એકટની કલમ ૫આઇ કે,એમના ભંગ બદલ આજીવન કેદ અને રુ. ૧૦ હજારનો દંડ ,દંડ ન ભરે તો વધુ આઠ માસની સાદી કેદની સજાનો હુકમ કર્યો હતો. અદાલતે આ ઉપરાંત ભોગ બનનાર બાળાને રુ.૫ લાખનું વળતર ચુકવવા પણ આદેશ કર્યો હતો.